'लभ बाइट'सहितको तस्बिर भाइरल भएपछि ज्याक्लिन तनावमा
एजेन्सीः बलिउड अभिनेत्री ज्याक्लिन फर्नान्डेज यतिबेला तनावै तनावले घेरिएकी छिन्। दुई सय करोड भारुको मनी लण्ड्रिङमा फसेकी ज्याक्लिन यतिबेला सामाजिक सञ्जाल र सञ्चारमाध्यममा आफ्नो प्राइभेट फोटो शेयर भएपछि झनै तनावमा छिन्।
उनको प्राइभेट फोटो पनि अरूसँगै होइन, मनी लण्ड्रिङका मुख्य आरोपित सुकेश चन्द्रशेखरसँग रहेको छ। फोटोमा ज्याक्लिन र चन्द्रशेखर एकअर्काको अँगालोमा छन्। फोटो हेर्दा सुकेश र ज्याक्लिन 'इन्टिमेट मुड'मा देखिन्छन्। ज्याक्लिनको घाँटीमा 'लभ बाइट' प्रष्टै देखिएको छ।
आफैंले सार्वजनिक गरेको यस्तो तस्बिर अहिले भने ज्याक्लिनलाई घाँडो भएको छ। उनले यो तस्बिर सामाजिक सञ्जाल र मिडियामा सर्कुलेट नगर्न आग्रह गरेकी छिन्।
ठग सुकेशले सन् २०२२ को लागि जमानतमा जेलबाहिर आउँदा ज्याक्लिनसँग भेटेका थिए। ज्याक्लिनलाई उनले महँगा महँगा उपहार पनि दिने गरेका थिए। यसैकारण मनी लण्ड्रिङ केसमा ज्याक्लिन पनि मुछिएकी हुन्।
यसअघि सुकेशको सम्बन्ध नोरा फतेहीसँग भएको भारतीय सञ्चारमाध्यमहरूले जनाएका छन्।
पुष २५, २०७८ आइतबार १०:५०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
