बलिउडमा कोरोना: अरिजित सिंहदेखि बाहुबलीका कटप्पासम्म सङ्क्रमित
कोरोना सङ्क्रमित हुनेमा गायक अरिजित सिंह, निर्देशक मधुर भण्डारकर, युट्युबर आशीष चञ्चलानी, अभिनेता सत्यराज (कटप्पा), तृषा क्रिष्णनलगायत रहेका छन्।
यस्तै 'हेराफेरी' चलचित्रका निर्देशक प्रियदर्शनलाई पनि कोरोना पोजेटिभ देखिएपछि चेन्नईको अपोलो अस्पतालमा भर्ना गरिएको छ। अरिजित सिंहले आफू र आफ्नो श्रीमती दुवै जना सङ्क्रमित भएको र दुवैको स्वास्थ्य अवस्था सामान्य रहेको बताएका छन्।
यता बाहुबलीमा कटप्पाको भूमिका निभाएका सत्यराज भने स्वास्थ्यमा समस्या देखिएपछि चेन्नईको एक अस्पतालमा भर्ती भएका छन्। कोरोनाको गम्भीर लक्षणहरू देखिएपछि उनलाई अस्पताल भर्ना गरिएको हो।
पुष २४, २०७८ शनिबार २०:२३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
