प्रभास-एनटीआरदेखि अक्षय-शाहीदसम्म: सबै हिरोका फिल्मको रिलिज डेट सर्यो
भोलि रिलिज गरिने तालिका थियो आरआरआरको। तर निर्धारित मितिमा फिल्म रिलिज नहुने भएपछि दर्शक त भड्किए नै फिल्म युनिटले पनि करोडौँ घाटा व्यहोर्यो। एनटीआर, रामचरण, अजेय देवगण, आलिया भट् अभिनित चलचित्रको नयाँ रिलिज डेट हालसम्म बाहिर आएको छैन।
यस्तै नियति भोग्यो प्रभास र पूजा हेग्डे अभिनित 'राधेश्याम'ले। राधेश्याम माघ १ गते रिलिज हुने भनिएको थियो। आरआरआरले प्रदर्शन मिति सारेसँगै भिडन्तबाट जोगिन राधेश्याम पनि अब पछि हटेको छ।
यी त भए दक्षिण भारतीय फिल्म। अब मूलधार भनिएको बलिउडकै कुरा। अक्षय कुमार र मिस इण्डिया मानुषी छिल्लर अभिनित 'पृथ्वीराज' २१ जनवरीमा रिलिज गर्ने तालिका थियो। तर फिल्म युनिटले मिति सारेको घोषणा गरिसकेको छ। कहिलेलाई त्यो भने बताइएको छैन।
अझ शाहीद कपुर अभिनित 'जर्सी' त ३१ डिसेम्बरमै रिलिज हुनपर्ने हो। तर भएन। कोरोनाकालमा रणवीर सिंहको '८३' बक्स अफिसमा नजमेपछि जर्सीको युनिटले रिलिज मिति सार्ने तय गरेको हो।
हाल ओमिक्रोन तीव्र गतिमा फैलिएपछि भारतका सिनेमाघरहरू बन्द छन्। यसले बलिउडसहित अन्य फिल्म उद्योगलाई ठूलो घाटा भएको छ।
पुष २२, २०७८ बिहीबार ०९:०५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
