कमेडी च्याम्पियनका विशालले फुलन्देकी आमालाई लिएर कमेडी क्लव बनाउँदै
'फुलन्देकी आमा' बन्ने कलाकार उमेश पुन कान्तिपुर टेलिभिजनबाट प्रशारण हुने 'डान्स च्याम्पियन' को होस्ट बन्न गएपछि कार्यक्रम बन्द भएको थियो। मुन्द्रेको कमेडि क्लब पुन शुरु गर्ने तयारी भइरहेको दाबी गरिदै आएको थियो। यही विचमा कमेडि च्याम्पियन र कमेडि क्लवलाई मर्ज गरेर कमेडी क्लब विथ च्याम्पियन कार्यक्रम आउन लागेको हो।
कार्यक्रममा कमेडि क्लबका उमेश पुन हुनेछन्। उता च्याम्पियनबाट सुमन कार्की, सजन श्रेष्ठ लगायतका कमेडियनहरु हुनेछन्। माघ १५ बाट प्रशारणमा आउने दाबी गरिएको कार्यक्रम स्टेज पर्फर्मेन्सको फर्म्याटमा आउने बताइएको छ। विशालले पत्रकार सम्मेलनमा आफुले पनि स्टेजको झल्को दिनेगरी कमेडी शो बनाउने तयारी गरिरहेको र कि एड्भर्टाइजिङले पनि यस्तै कार्यक्रमको तयारी गरेको जानकारी आएपछि मिलेर कार्यक्रम बनाउन लागेको बताएका थिए।
पुष २१, २०७८ बुधबार १९:४०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
