अस्ट्रेलियन कलाकारको अभिनय रहेको पर्पलाको पोस्टर सार्वजनिक
फिल्म अस्ट्रेलिया बस्ने नेपालीको जीवनमा घटेका घटनाबाट प्रभावित भएर निर्माण भएको लेखक तथा निर्देशक मनोज अधिकारीले उल्लेख गरेका छन्। उनका अनुसार हलिउड प्राविधिक र नेपाली फिल्मकर्मीको सहकार्यमा पहिलो छायाङ्कन सकिएको छ।
फिल्ममा नेपाली कलाकारसँगै १ दर्जन बढी अस्ट्रेलियन कलाकारले अभिनय गर्नेछन्। आरकेएस अस्ट्रेलिया,ओएमजी इन्टरटेन्टमेन्ट र ग्रिन हिल्स इन्टरटेन्टमेन्टको ब्यानरमा निर्माण भएको चलचित्रका प्रस्तुतकर्ता भानु प्रताप ढकाल हुन्।
कास्मिर डिक्सनले छायाङ्कन गरेको चलचित्रको सम्पादन सुरेन्द्र पौडेलले गरेका छन्। रवीन्द्र कुमार शर्मा,डम्बर बहादुर रसाइली,छवि अधिकारी सरोज कुमार वाइबा निर्माता रहेका छन्। सरस्वती गौतम,शृजना ल्वागुन,भीम राज रसाइली,वचन कुमार मल्ल चलचित्रको सह निर्माता रहेका छन्।
पुष २१, २०७८ बुधबार १०:१४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
