नम्बर प्लेट मिलेपछि विक्की कौशलविरुद्ध मुद्दा दर्ता
एजेन्सीः बलिउड अभिनेता विक्की कौशलविरुद्ध मुद्दा दर्ता भएको छ। एक चलचित्रको सुटिङको दौरान उनले प्रयोग गरेको गाडीलाई लिएर उनीउपर मुद्दा हालिएको हो।
भारतको इन्दौरमा फिल्मको सुटिङ गरिरहेका बेला एक सीनमा उनले प्रयोग गरेको गाडी नम्बरलाई लिएर तनाव सुरु भएको हो। उनले प्रयोग गरेको गाडीको नम्बर अर्को गाडीसँग मिल्न पुग्यो। र ती गाडीका धनीले विक्कीविरुद्ध गैरकानूनी ढंगले आफ्नो सवारी नम्बर प्रयोग गरेको भन्दै मुद्दा दायर गरेका हुन्।
विक्की र सारा अलि खान सुटिङको दौरान उस्तै नम्बर प्लेट भएको बाइकमा यात्रा गरेको देखेपछि प्रहरीमा कुरा पुगेको हो।
पुष १९, २०७८ सोमबार १०:२५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
