नेपाल आइडल थिएटरमा : १२६ बाट को छानिएलान् ३० मा !
काठमाडौँ : नेपाल आइडल अडिसन राउन्ड सकिएर थिएटर राउन्ड सुरु भयो बिहिबारबाट। क्षेत्रीय रूपमा भएको अडिसनबाट छानिएका एक सय २६ जना प्रतियोगी थिएटर राउन्डका लागि काठमाडौँ आएका छन्।
एक सय २६ जनामध्ये ९६ जना यही राउन्डबाट बिदा हुनेछन्। उनीहरूलाई २७ समूहमा विभाजन गराएर गुण सिनेमा हलमा थिएटर राउन्ड चलिरहेको छ।
चारदेखि ६ जनासम्म प्रतियोगी रहेको समूहका सदस्यले एकै गीत गाए। अडिसनमा विना म्युजिक गाएका प्रतियोगीले थिएटरमा भने लाइभ ब्यान्डमा गाएका थिए। समूहमा गाउँदा अडिसनमा राम्रो गाएका प्रतियोगी पनि चिप्लिएका देखिए।
थिएटर राउन्डमा सहभागी हुन आएका प्रतियोगी होटेल ल्यान्डमार्कमा बसेका छन्। त्यहाँ एक सय २६ जना छन्। यीमध्ये पियानो राउन्डमा ३० जना मात्र जान सक्ने छन्।
ती ३० जना को हुन् बिहीबार प्रस्तुति गर्ने १२ समूहबाट मात्र छानिएनन्। सबै २७ समूहको प्रस्तुतिपछि नै पियानो राउन्डमा जाने ३० जना छानिने छन्।
पुष १५, २०७८ बिहीबार २३:१२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
