सलमानलाई जन्मदिनको शुभकामना दिँदै कटरिनाले भनिन् : प्रेम सधैँ साथमा रहोस्
एजेन्सी : आज २७ डिसेम्बर। भारतीय अभिनेता सलमान खानको जन्मदिन। उनका फ्यान र शुभचिन्तकहरूले सामाजिक सञ्जालमार्फत उनलाई शुभकामना दिइरहेका छन्। यसैबिच हालै विक्की कौशलसँग विवाह गरेकी खानकी पूर्व प्रेमिका कटरिना कैफले इन्टाग्राममा सलमानको तस्बिर राख्दै उनलाई जन्मदिनको शुभकामना दिएकी छिन्।
हर्ट साइनसहित उनले लेखेकी छिन्' सलमान तपाईँलाई जन्मदिनको धेरै शुभकामना। सबैको प्रेम सधैँ तपाइको साथमा रहोस्।'
सलमानलाई आइतबार फार्म हाउसमा गएको बेलामा सर्पले टोकेको थियो। उनी ६ घण्टापछि मुम्बईको एक अस्पतालबाट डिस्चार्ज भइसकेका छन्। सलमान र कैटरिनाको सम्बन्ध अनि उनको विवाहलाई लिएर बलिउडनगरिमा अनेक किस्सा चलिरहे पनि कैटको शुभकामनाले उनीहरू अहिले पनि असल मित्र छन् भन्ने देखिएको छ।
व्यक्तिगत जीवनमा सलमान र कैटको जोडी सफल हुन नसके पनि बलिउडका भने यी दुवै सफल जोडी हुन्। दुवैले अभिनय गरेका धेरै फिल्म हिट भएका छन्। दर्शकले उनीहरूको जोडी रुचाएका थिए। यी दुवैको जोडी आगामी वर्ष रिलिज हुने टाइगर ३ मा समेत सँगै देखिँदै छन्।
पुष १२, २०७८ सोमबार १३:५२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
