डान्स च्याम्पियनले लुसुक्क हटायो जज
काठमाडौँ : कान्तिपुर टेलिभिजनमा प्रसारण भइरहेको डान्स सम्बन्धी रियालिटी सो 'डान्स च्याम्पियन' ले तीन जनामध्ये एक जजलाई लुसुक्क हटाएको छ। कार्यक्रम प्रशाणहुँदा कार्यक्रमका जज थिए अभिनेत्री निरुता सिंह, कार्टुन क्रुजकी सदस्य आश्मा विश्वकर्मा अनि भारतमा गएर आफ्नो अलग छवि बनाएका जगत रावल।
कार्यक्रम टप २० मा पुग्दा भने जजहरूको नाममा जगतको नाम छैन। हटिसकेको छ उनको नाम। नाम हटेको मात्रै हैन टप २० को प्रतियोगितामा उनी आएनन्। २ जना जजहरू मात्र आएका थिए। अनि त्यही एपिसोडबाट कार्यक्रमले गेस्ट जजको रूपमा कलाकारहरू बोलाउन थाल्यो।
त्यति मात्रै हैन। कार्यक्रम फ्लप भएपछि स्टेज पनि बदलियो। कार्यक्रमको शैली बदलियो। अब त कार्यक्रम सुरु हुनुभन्दा अगाडि कार्यक्रम सञ्चालक बाहेकको इन्ट्रो राख्न थालियो दिनेश डिसीको। यति गर्दा पनि कार्यक्रम चल्ने छाँट भने देखिएको छैन।
पुष ११, २०७८ आइतबार २२:३२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
