कांग्रेस प्रदेश २ को उपसभापतिमा सिंह र यादव विजयी
जनकपुर : नेपाली कांग्रेस प्रदेश २ को उपसभापतिमा वीरेन्द्रप्रसाद सिंह र चन्द्रशेखर यादव विजयी भएका छन्। सिंहले एक हजार १९ र यादवले ८९५ मत ल्याएर विजयी भएका हुन्।
प्रतिस्पर्धी विनोदकुमार खनालले ७४० र धनलाल ठोकरले ६३६ मत प्राप्त गरेका छन्।
कांग्रेस निर्वाचन समितिका अनुसार महामन्त्रीमा उपेन्द्रकुमार यादव र बृहस्पतिकृष्ण श्रेष्ठ निर्वाचित भएका छन्। सहमहामन्त्रीमा जयनारायण यादव र परशुराम चौधरी विजयी भएका छन्।
सहमहामन्त्री महिला तर्फ बिन्दु कुमारी यादव निर्वाचित भएकी छन्। यसअघि कांग्रेस प्रदेश २ को सभापतिमा कृष्ण यादव निर्वाचित भएका थिए।
प्रदेश समितिका सदस्य पदको मतगणना भइरहेको निर्वाचित समितिले जनाएको छ। ६७ पदका लागि गत बिहीबार भएको मतदानमा १ हजार ९५१ मतदाता मध्ये १ हजार ८८१ ले मतदान गरेका थिए।
पुष १०, २०७८ शनिबार ०९:४५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
