तेलुगु फिल्ममा आँचलको अभिनय
काठमाडौँ : नेपाली अभिनेत्री आँचल शर्माले तेलगु फिल्ममा अभिनय गरेकी छिन्। नेपालमा छायाङ्कन भएको तेलुगू फिल्म ‘हिटम्यान’ मा उनले मुख्य भूमिकामा अभिनय गरेको बताइएको छ।
सो फिल्म १५ दिनसम्म काठमाडौँ र पोखरामा छायाङ्कन भएको थियो। फिल्ममा उनले नेपालीमै संवाद बोलेकी छन्। फिल्ममा उनको अपोजिटमा नेपाली मूलका तेलुगू कलाकार विष्णु अधिकारी छन्।
विष्णु फिल्मका निर्देशक समेत हुन्। फिल्मको १० प्रतिशत छायाङ्कन भारतको हैदराबादमा खिच्ने निर्माण टिमले जानकारी दिएको छ। नेपालमा सो फिल्मको ५० प्रतिशत छायाङ्कन भएको छ।
पछिल्लो समय नेपालमा तेलगु भाषाको फिल्मको समेत क्रेज बढेको छ। त्यसैले सो फिल्म नेपालमा समेत रिलिज गर्ने निर्माण टोलीले योजना बनाएको छ। नेपालमा रिलिजका लागि तेलुगू संवादमा नेपाली सब टाइटल राख्ने तयारी छ।
नेपालमा आँचल देखिने छिन् भने भारतको पार्टमा अर्की नेपाली अभिनेत्री अदिति शर्माले अभिनय गरेकी छिन्।
पुष ९, २०७८ शुक्रबार १८:०१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
