प्रियङ्का र दीपिकाको ‘हेल्लो जिन्दगी’ को फस्टलुक सार्वजनिक
सत्य घटनामा आधारित सामाजिक कथानक फिल्ममा विक्रम डी.जोशी, प्रियङ्का कार्की, दीपिका प्रसाईँ ,एभरेस्ट सूर्य बोहरा, विल्सन विक्रम राई ,विक्रान्त बस्नेत ,सबिता गुरुङ ,सनमकुमार वैराग ,जानकी पन्त (जुन) ,ध्रुव दत्त ,कुमुद पन्तलगायतका कलाकारले अभिनय गरेका छन्।
युके र नेपालमा छायाङ्कन गरिएको फिल्मको निर्माता हिराल जोशी र विक्रम डी जोशी छन्। सृजना जोशी महर्जन कार्यकारी निर्माता रहेको फिल्मको कथा निर्देशक बोहरा र विक्रम डी जोशीको हो भने पटकथा र संवादमा निर्देशक बोहरालाई अभिमन्यु निरवीले साथ दिएका छन्।
निर्देशक बोहराकै शब्द रहेको फिल्ममा राजनराज सिवाकोटी र एलिस कार्कीको सङ्गीत छ। प्रमोद खरेल ,प्रताप दास ,प्रबिशा अधिकारी ,एड्रिन प्रधान र रजिना रिमालको स्वरमा रहेका गीतमा विष्णु देवाको कोरियोग्राफी छ। आरआर फिल्मसले वितरण गर्ने फिल्मको डिजिटल राइट्स ओएसआर डिजिटलले लिएको छ।
महारानी इन्टरटेन्मेन्ट युके र एभरेस्ट सूर्य बोहरा फिल्मसँगको सहकार्यमा बिरञ्जना इन्टरटेन्मेन्टको प्रस्तुति रहेको ‘हेल्लो जिन्दगी’ को सह निर्मातामा सबिता गुरुङ छिन् भने डी क्रिएटिभ स्टुडियो ,युके र काम्मा इन्टरटेन्मेन्ट ,इन्डिया लाइन प्रोड्युसर छन्।
पुरुषोत्तम प्रधानले खिचेको फिल्ममा सम्राट् बस्नेतको द्वन्द्व निर्देशन र मित्र डी. गुरुङको सम्पादन छ। फिल्मको सहायक निर्देशकमा मार्लाेभ ढुङ्गाना र सीमा गुरुङ अनि मुख्य सहायक निर्देशमा सुदीप कुँवर र एलिस अधिकारी छन्।
पुष ८, २०७८ बिहीबार १८:४५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
