तीन महिना दुबइमा जेल परेका रोशनका लागि दिया-अनुपको प्रतिस्पर्धा

चितवनमा छानिएकामध्येकै बलिया प्रतियोगी हुन् रोशन श्रेष्ठ। काममा लागि दुबई पुगेर तीन महिना जेल परेका उनी शारीरिक रूपमा फिट छन्। सिधा बोल्छन्।

कामका लागि दुबई जाँदा एकै कोठामा बस्नेहरूले अवैध रक्सीको कारोबार गर्दा उनी फसेका रहेछन्।

'फुच्चे मलाई काम लगाउँथे। म पनि गरिदिन्थे। उनीहरूले रक्सी ल्याएर खान्थे तर बेच्छन् पनि भन्ने थाहा थिएन। कसैले उठायो। यसो हेरेको त वरिपरि दुबईका अग्ला-अग्ला पुलिस। कोठामा म एक्लै,' उनले भने।

उनलाई छ महिना जेल भएको थियो। पछि परिवारले थाहा पाएर उनलाई मुद्दा लड्न सघाएपछि तीन महिनामा सफाई पाएर नेपाल फर्किए।

उनको फिटनेस र स्टामिना देखेर अनुप विक्रम शाह र दीया मास्केले छानेका थिए। अनुपले' मेरो टिममा आइस भने विनर बन्छस्' भने। दियाले मेरो टिममा केटा छैनन् भनेपछि अनुप रिसाउँदै ' काँ अब यो छ, यो छैन भनेको' भने। अनुप सकेसम्म उनलाई आफ्नो टिममा राख्न चाहन्थे। तर उनी गए दियाको टिममा। उनले पहिल्यै रोडिज्को फर्ममा लेखेका थिए' दीया नेपाली महिलाको लागि प्रेरणाको स्रोत हो।'

पुष ७, २०७८ बुधबार ०१:४५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।