गगनलाई अभिनेत्री केकीको आग्रह : प्रिय दाई, आफ्ना वाचा नभुल्नुहोला

अभिनेत्री केकी अधिकारीले पनि यी दुबैलाई बधाई दिँदै विशेष गगन थापालाई आफ्नो वाचा नभुल्न सचेत गराएकी छिन्। ' 'पन्ध्र वर्षपछि धुवाँ धूलो रहित रमणीय काठमाडौँको सडकमा आफ्नो परिवारसँग घुम्दै गर्दा आजभन्दा बढी हर्षोल्लासका साथ नजिकबाटै ‘जय नेपाल’ भन्न पाउने दिनको प्रतीक्षा गरिरहेकी छु,' उनले लेखेकी छिन्' आफ्ना वाचाहरू नभुल्नुहोला। बेलाबखत सम्झाइरहने छु।'

गगन र विश्वप्रकाशलाई केकी अधिकारीको सन्देश :

 नेपाली काँग्रेस पार्टीको महामन्त्री जस्तो गरिमामय पदमा निर्वाचित हुनुभएका दुवै दाइहरू श्री गगन थापा र श्री विश्वप्रकाश शर्मालाई हार्दिक बधाई! देश, जनता र लोकतन्त्रप्रतिको यहाँहरूको निष्ठा अविचलित र अक्षुण्ण रहिरहने विश्वास गरेकी छु। तपाँइहरुले प्राप्त गर्नुभएको सफलताले आम नेपाली जनता र विशेष गरी युवापुस्ता भित्र रहेको परिवर्तनको उत्कट इच्छालाई प्रकट गरेको छ भन्दा फरक नपर्ला। यहाँहरूको कार्यकाल नेपालका लाखौँ युवाहरूलाई राजनीतिसँग जोड्न, सचेत हुन र समुन्नतिको बाटोमा ऊर्जाशील बनाउन पक्कै पनि प्रेरणादायी हुने नै छ।अझै कम उमेरमा, अझै छिटो नेतृत्वदायी भूमिकामा क्षमतावान् युवाहरूलाई पुऱ्याउन बदल्नुपर्ने राजनीतिक संस्कार र परिपाटीमा यहाँहरूको सक्रिय भूमिका रहने अपेक्षा गरेकी छु।

प्रिय गगन दाइ, पन्ध्र वर्षपछि धुवाँ धूलो रहित रमणीय काठमाडौँको सडकमा तपाइ आफ्नो परिवारसँग घुम्दै गर्दा आजभन्दा बढी हर्षोल्लासका साथ नजिकबाटै ‘जय नेपाल’ भन्न पाउने दिनको प्रतीक्षा गरिरहेकी छु। आफ्ना वाचाहरू नभुल्नुहोला। बेलाबखत सम्झाइरहने छु।

पुष १, २०७८ बिहीबार २१:४५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।