हात जोडेर देउवा प्यानलका मतदाता फकाउँदै गगन
काठमाडौंः नेपाली कांग्रेसको १४औं महाधिवेशनअन्तर्गत आज बिहानबाट हुने भनिएको मतदान प्रक्रिया सुरु भएको छैन। तर मतदाता लाइनमा भने लागिसकेका छन्।
यस्तै मतदाता फकाउन उम्मेदवारहरू पनि लाइनमा लागिसकेका छन्। शेखर कोइराला प्यानलबाट महामन्त्री उठेका गगन थापा पनि बिहानै मतदान केन्द्रबाहिर पुगेर मत माग्न व्यस्त छन्। उनी हात जोडेर मतदाता फकाइरहेका छन्।
उकेराकर्मीले खिचेको तस्बिरमा गगन पूर्णबहादुर खड्का समर्थित महाधिवेशन प्रतिनिधिलाई हात जोडेर फकाइरहेको देखिएको छ। खड्का देउवा प्यानलबाट उपसभापतिका उम्मेदवार हुन्।
मंसिर २७, २०७८ सोमबार ०९:०९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
