बिहेपछि पनि प्रविशाको पिछा छोडेन प्रताप दाससँगको सम्बन्धले

काठमाडौँ : द भोइस अफ किड्सकी कोच समेत रहेको गायिका प्रविशा अधिकारीले सोही कार्यक्रमका अन्य २ कोच प्रमोद खरेल र राजु लामामध्ये प्रमोद खरेललाई छानेकी छिन्।

एक कार्यक्रमको र्यापिड फायर राउन्डमा यी दुई कोचमध्ये एक जनालाई छान्ने अप्सन दिँदा उनले पहिला दुवै जना दाइँहरू भएको भन्दै छान्नै परे प्रमोदलाई छान्छु भनिन्। त्यसको कारण खुलाइन्'उहाँ मेरो मेन्टर पनि हो।'

विवाहपछि पनि उनलाई गायक प्रताप दाससँगको सम्बन्धबारे प्रस्टीकरण दिने झन्झट हटेन। जबकि प्रताप उनको विवाहमा सहभागी भएर उनको खुट्टा नै धोएर पानी खाएका थिए सक्कली भाइ झैँ।

प्रविशाले प्रताप दाससँगको सम्बन्धबारे खुलाउँदै भनिन्' हामी पहिल्यैदेखि दिदी भाइकै सम्बन्ध भए पनि हामीलाई जोडिको रूपमा प्रचार गरियो। तर मेरो विवाहमा उनले दिदी रहर छ भनेर खुट्टा धोए। यसले हामी मनदेखिकै दिदी-भाइ भएकाले त्यसले हामीलाई असर गरेन।'

मंसिर २२, २०७८ बुधबार १९:३१:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।