विक्की कौशलभन्दा ५ वर्ष जेठी छिन् कटरिना, कमाइमा पनि निकै अघि

सन् १९८३ जुलाई १६ मा जन्मिएकी कटरिना ३८ वर्षकी भइन्। यता सन् १९८८ मे १६ मा जन्मिएका विक्की ३३ वर्षका हुन्। उमेरमा कटरिनाले जिते पनि चलचित्रमा अभिनय र अवार्डको हिसावमा भने विक्कीले जितेका छन्। विक्कीले चलचित्र 'उरी'का लागि उत्कृष्ट अभिनेताको नेशनल अवार्ड नै जितेका छन्। 

कटरिनाले बलिउड प्रवेश गरेको १८ वर्षमा ३१ चलचित्रमा काम गरेकी छिन्। त्योमध्ये ४ चलचित्र सुपरहिट छन्। यता विक्कीले बलिउड प्रवेश गरेको ९ वर्षमा १२ चलचित्रमा काम गरेका छन्। त्योमध्ये २ चलचित्र सुपरहिट छन्। 

कमाइको मामिलामा पनि विक्कीभन्दा निकै अघि छिन्- कटरिना। उनको कुल सम्पत्ति दुई सय २४ करोड भारु रहेको छ। उनले प्रतिचलचित्र ११ करोड भारु पारिश्रमिक लिने गरेकी छिन्। यता विक्कीको कुल सम्पत्ति २५ करोड भारु रहेको छ। उनले प्रतिचलचित्र ३-४ करोड भारु पारिश्रमिक लिने गरेका छन्। 

मंसिर २१, २०७८ मंगलबार १४:००:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।