'साझा उम्मेदवार' खोज्न पौडेल समूह छलफलमा
काठमाडौंः नेपाली कांग्रेसको इतर पक्ष 'साझा उम्मेदवार' तयार पार्न छलफलमा छ। वरिष्ठ नेता रामचन्द्र पौडेलले आफ्नो समूहबाट सर्वसम्मत रूपमा सभापतिको उम्मेदवार छान्न बैठक राखेका हुन्।
प्रदेशमा कमजोर प्रदर्शन र महाधिवेशन आउन चार दिनमात्रै बाँकी रहँदा बैठक बोलाइएको हो। साँझ ५ः३० देखि बैठक जारी छ।
पौडेलसहित उनी पक्षका नेताहरू शशांक कोइराला, प्रकाशमान सिंह र शेखर कोइराला सभापति पदका आकांक्षी छन्। चार जना आकांक्षीमध्ये एक जना सभापतिमा उठ्ने गरी छलफल चलिरहेको एक नेताले जानकारी दिए।
सभापतिमा शेरबहादुर देउवाले उम्मेदवारी घोषणा गरिसकेका छन्। देउवासँग प्रतिस्पर्धा गर्न पौडेल पक्षले साझा उम्मेदवार दिने बताइरहे पनि आकांक्षी धेरै हुँदा कुरा मिलेको छैन।
मंसिर २०, २०७८ सोमबार १८:५९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
