आजबाट कांग्रेसको प्रदेश अधिवेशन, प्रदेश २मा भने अनिश्चित

काठमाडौंः नेपाली कांग्रेसको १४औं महाधिवेशनअन्तर्गत आजबाट प्रदेश अधिवेशन सुरु हुँदैछ। कांग्रेस निर्वाचन समितिका अनुसार प्रधानमन्त्री तथा पार्टी सभापति शेरबहादुर देउवाले प्रदेश अधिवेशनको उद्घाटन गर्दैछन्।

यद्यपि आज सातमध्ये केवल ६ प्रदेशमा अधिवेशन हुने भएको छ। प्रदेश २को सर्लाहीमा प्रदेश सभा क्षेत्रीय अधिवेशन पनि हुन नसक्दा प्रदेशकै अधिवेशन अनिश्चित बनेको छ। 

हरेक प्रदेशको प्रदेश राजधानीमा अधिवेशन गर्ने कांग्रेसको तयारी छ। जसअनुसार प्रदेश १को अधिवेशन विराटनगरमा, प्रदेश २ को जनकपुरमा, बागमतीको हेटौंडामा, गण्डकीको पोखरामा, लुम्बिनीको भैरहवामा, कर्णालीको सुर्खेतमा र सुदूरपश्चिमको अधिवेशन धनगढीमा हुनेछ।

आज हुने अधिवेशनले कांग्रेसमा पहिलो पटक प्रदेश समितिको निर्माण गर्नेछ। प्रदेश अधिवेशनको निर्वाचन प्रक्रिया भोलि शुक्रबारबाट सुरु हुनेछ। 

मंसिर १६, २०७८ बिहीबार ०८:४८:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।