रीमालाई प्रकाश सपुतले माया गर्दा इन्दिरालाई डाहा

काठमाडौँ : चर्चित गायन रियालिटी शो सारेगामापा लिटिल च्याम्पसको शुक्रवारको एपिसोडमा गायक प्रकाश सपूत विशेष अतिथि भएर आउँदै छन्।

प्रतियोगीहरूले ग्राण्ड ज्युरीसँग प्रस्तुति दिँदै छन्। विशेष अतिथि प्रकाशले राइझुमा गाउँदै दर्शकलाई मनोरञ्जन दिनेछन्। कार्यक्रमको प्रोमोमा गीत गाउँदै प्रकाश भन्छन् ' रिमा तिमीलाई माया गर्छु काटी सबै सीमा म त राइझुमा,रिमा तिमीलाई माया गर्दा इन्दिरालाई डाह राइझुमा।' उनलाई रवी ओडले साथ दिएका थिए। 
कार्यक्रमका जजहरूले पनि प्रकाशको प्रस्तुतिमा खुलेर मनोरञ्जन लिएको देखिन्छ। भारतीय रियालिटी शोको फ्रेन्चाइज कार्यक्रम शुक्रवार र शनिवार ग्यालेक्सी फोकेमा प्रसारण हुँदै आएको छ।

यसमा न्ह्यु बज्राचार्य, कालीप्रसाद रिजाल र इन्दिरा जज छन्। कार्यक्रममा नेपालका र नेपाल भाषी भारतीय प्रतियोगी छन्।

मंसिर १५, २०७८ बुधबार २३:०२:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।