एक्स ९’मार्फत अभिनयमा फर्कँदै सुधांशु
२ वर्ष अघि
काठमाडौँ : एकपछि अर्को फिल्म फ्लप भएपछि अमेरिका भासिएका अभिनेता सुधांशु जोशी फिल्म ‘एक्स ९’मार्फत अभिनयमा फर्कने भएका छन्।
‘जाली रुमाल’, ‘विषालु’, ‘रणभूमि’ र ‘हत्या’ जस्ता फिल्ममा अभिनय गरेका उनका अधिकांश फिल्म असफल भएपछि उनी अमेरिकातिर लागेका थिए। बलिउडका अभिनेता सुनिल सेठ्ठीलाई समेत अनुबन्ध गरेको दाबी गरिएको फिल्ममा जोशीलाई समेत अनुबन्ध गरेको निर्माण टिमले जानकारी दिएको छ।
यसको निर्देशन मुकुन्द भट्टले गर्दैछन्। यो फिल्ममा यसअघि अनमोल केसी, सौगात मल्ल, पुष्प खड्का, अनुपविक्रम शाही, राज कटुवाल अनुबन्धित भइसकेका छन्।
फेब्रुअरीबाट छायाङ्कनमा जाने फिल्म नेपालसँगै युरोप र अमेरिकामा खिचिनेछ। निर्मल कुमार मिश्र कार्यकारी निर्माता रहेको फिल्ममा वीरेन्द्र कुँवर, मुकुन्द भट्ट, चन्द्र पन्त, विदुर घण्टे र प्रदीप थापाको लगानी रहनेछ।
मंसिर १५, २०७८ बुधबार १९:०८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
