बाठा विष्णु : पहिलो पन्नामा अध्यक्ष भन्दा अरूको नाम नै छैन
चितवन : एमालेको बन्द शत्रमा पेस गर्न केपी शर्मा ओलीको सहमतिमा बनेको केन्द्रीय कमिटीको लिस्ट बोकेका छन् विष्णु पौडेलले। उनले लिस्ट प्रिन्ट गरेको कागज बटार्दा पहिलो पन्नामा लेखिएको नाम प्रस्ट देखियो। तर त्यहाँ पार्टी अध्यक्षमा केपी शर्मा ओलीको नाम मात्र प्रिन्ट गरिएको थियो। बाँकी नाम थिएन।
बन्द सत्र स्थलमा शीर्ष नेता र प्रतिनिधि पुगे पनि लिस्ट तयार पार्न अध्यक्ष ओली र उपमहासचिव पौडेल पार्क सफारीमै बसेर लिस्ट फाइनल गरेका थिए। पछि उनीहरु बन्द शत्रमा आएका थिए।
वरिष्ठ उपाध्यक्षमा सुवास नेम्वाङले अझै दावी नछाड्दा फाइनल सूची बनाउन समय लागेको हो। ओली नआउँदा बन्द शत्र शुरु हुन सकेको छैन। अध्यक्षका प्रत्याशी भीम रावलले निर्वाचनको माग गर्दै आएका छन्। उनले प्रतिनिधीहरुलाई दिनभर त्यतिकै राखेर बेलुका बन्द शत्र राखेर शड्यन्त्र गर्न लागेको दाबी गरेका थिए।
मंसिर १२, २०७८ आइतबार २१:१८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
