नायक आकाशलाई जन्मदिनमा फ्यानले दिए सुनको गणेश र सिक्री उपहार

काठमाडौँ : आकाश श्रेष्ठ अहिले चल्तीका नायक। उनको फ्यान फलोइङ राम्रै छ। तर उनले अभिनय गरेका फिल्म सफल भने भएका छैनन्।

उनी अभिनयका कारणले भन्दा पनि नायिका पूजा शर्मासँगको असफल प्रेम सम्बन्धले बढी चर्चामा आइरहन्छन्। तै पनि त्यसले फ्यानहरूलाई कुनै नकारात्मक प्रभाव पारेको छैन।

त्यही देखिए उनको जन्मदिनमा। उनको जन्मदिनमा उनको फ्यानहरूले उनका लागि एक पार्टी प्यालेसमा भव्य पार्टीको आयोजना गरेका थिए। पार्टीमा प्रमुख अतिथि उनी नै थिए।

पहिला मञ्चमा २ वटा कुर्सी राखिएको थियो। तर कार्यक्रममा उनी एक्लै पुगेपछि मञ्चमा रहेको एक कुर्सी हटाइयो। उनका फ्यानहरूले उनका लागि २ वटा केक तयार थियो। उनले केक काटेर आफ्ना फ्यानहरूलाई खुवाए। फ्यानहरूमध्ये २ जना महिलाले उनलाई गहकिलै उपहार दिए। एक महिलाले उनलाई सुनको गणेश दिइन् भने अर्कीले सुनको सिक्री। अनि उनले त्यही सिक्रीमा गणेश राखेर लगाए।

मंसिर ९, २०७८ बिहीबार २१:४२:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।