आगामी आम निर्वाचनमा पनि चितवनबाटै उठ्छु: प्रचण्ड
चितवनः नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आगामी निर्वाचनमा पनि आफू चितवनबाटै उम्मेदवार बन्ने बताएका छन्। सोमबार चितवनमा डिप ट्युबेल सिँचाइ प्रणालीको उद्घाटन गर्दै उनले यस्तो बताएका हुन्।
उनले आफूले चितवनका जनतासँग गरेको बाचा पूरा गर्दै आएको बताउँदै आगामी निर्वाचनमा पनि चितवन क्षेत्र नं ३ बाटै आफ्नो उम्मेदवारी रहने स्पष्ट पारे। उनले भूमिहीन तथा सुकुम्बासीलाई निर्वाचन अगाडि नै जग्गा वितरण गरिने पनि बताए।
“चितवनमा पहिलो चरणमा जग्गा वितरण गरिन्छ’, उनले भने। उनले भरतपुर महानगरको विकास लोभलाग्दो रहेको र यसलाई अझ उचाइमा पुर्याउनका लागि आफ्नो उम्मेदवारी रहने पनि बताए।
मंसिर ७, २०७८ मंगलबार ०९:३४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
