आमिर खान र करिना कपुर अभिनित 'लाल सिंह चड्ढा'को प्रदर्शन मिति सार्वजनिक
२ वर्ष अघि
एजेन्सीः आमिर खान र करिना कपुर अभिनित बलिउड चलचित्र 'लाल सिंह चड्ढा'को प्रदर्शन मिति सार्वजनिक भएको छ। करिना कपुरले चलचित्रको एक पोस्टर सार्वजनिक गर्दै प्रदर्शन मिति खुलाएकी हुन्।
चलचित्र सन् २०२२ को अप्रिल १४ मा प्रदर्शनमा आउने भएको छ। यसै चलचित्रमार्फत दक्षिण भारतीय सुपरस्टार नागा चैतन्यले बलिउड डेब्यू गर्दैछन्।
सन् १९९४ को अस्कर विजेता हलिउड फिल्म 'फरेस्ट गम्प'को हिन्दी रिमेक चलचित्रलाई अद्वैत चन्दनले निर्देशन गरेका हुन्।
यसअघि यो चलचित्र क्रिसमसमा रिलिज गर्ने भनिए पनि निर्माण पक्षले विभिन्न कारण देखाउँदै प्रदर्शन मिति सारेको हो।
मंसिर ५, २०७८ आइतबार ०९:५९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
