क्राइम-सस्पेन्समा आधारित चपली हाइट-३ को ट्रेलर आयो
२ वर्ष अघि
काठमाडौँ : क्राइम सस्पेन्समा आधारित कथावस्तुमा बनेको फिल्म ‘चपली हाइट ३’को ट्रेलर सार्वजनिक भएको छ। काठमाडौँमा आयोजित एक कार्यक्रमका बिच फिल्मको अफिसियल ट्रेलर रिलिज गरिएको हो।
अर्जुन कुमारको लगानी रहेको यो फिल्म आउँदो पुस २ मा रिलिज हुँदैछ। २०७६ चैत २८ गते यो फिल्म रिलिज हुने भनिएको थियो। कोरोना महामारीबिच लकडाउन भएसँगै फिल्म रिलिज रोकिएको थियो।
फिल्मलाई निकेश खड्काले निर्देशन गरेका हुन्। फिल्ममा अभिनेत्री स्वस्तिमा खड्का, आमिर गौतम, सुपुष्पा भट्ट, दीपाश्री निरौला, लक्ष्मी बर्देवा, महेश त्रिपाठी, प्रतीक श्रेष्ठ लगायतको अभिनय छ।
२ वर्षपछि आफ्नो फिल्म रिलिज हुन लागेकोमा खुसी लागेको खड्काले बताइन्।
अर्जुन कुमारकै ‘चपली हाइट’ पहिलो र दोस्रो शृङ्खलालाई दीपेन्द्र के खनालले निर्देशन गरेका थिए।
मंसिर ४, २०७८ शनिबार ०१:०७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
