अमेरिका र क्यानडावासी नेपाली लक्षित २ रियालिटी शो को घोषणा
२ वर्ष अघि
काठमाडौँ : अमेरिका र क्यानडामा नृत्य विधामा उत्कृष्ट प्रतिभा छान्न २ वटा रियालिटी शो हुने भएको छ। अमेरिका र क्यानडाका नेपाली भाषीलाई लक्षित गर्दै दुई रियालिटी शोको घोषणा गरिएको हो।
मंगलबार ‘मेरो भ्वाइस कप अमेरिका यूएसए-२’ र ‘मेरो डान्स कप यूएसए-४’ को घोषणा भएको हो। यो दुवै रियालिटी शो इन्ट्रा नेशनल वेल्फेर एन्ड सपोर्ट फाउन्डेसन अफ अमेरिकाले गर्न लागेको हो।
फाउन्डेसनका अध्यक्ष डिल्ली अधिकारीले जनवरीबाट शो सुरु गर्ने जानकारी दिएका थिए। ‘मेरो डान्स कप यूएसए ४’ मा अभिनेता दिलीप रायमाझी, नृत्य निर्देशक शङ्कर बिसी, अभिनेत्री केकी अधिकारी र नरमान राई निर्णायक रहेका छन्।
भ्वाइसका लागि निर्णायक तय भइसकेको छैन। प्रमोद खरेल निर्णायक हुन सक्ने अधिकारीले बताए।
मंसिर १, २०७८ बुधबार १३:५६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
