नेटफ्लिक्सकाे चर्चित सिरिज 'स्क्वीड गेम'काे दाेश्राे सिजन आउने

एजेन्सीः चर्चित सिरिज स्क्वीड गेमकाे दाेश्राे सिजन आउने पक्का भएकाे छ। सिरिजका निर्माता ह्वाङ दाेङ हायुकले दाेश्राे सिजन बनाउने बताएका हुन्।

उनले सिरिजप्रति दर्शककाे प्रतिक्रियाले आफूलाई दाेश्राे सिजन बनाउनेबाहेक अरू विकल्प नदिएकाे पनि बताएका छन्।

उनले दाेश्राे सिजनबारे आफूसँग 'रफ आइडिया' भएकाे पनि बताएका छन्। उनले भने, 'म बाचा गर्छु, गि हन (स्क्वीड गेमका पात्र) आउनेछन् र उनले संसारका लागि केही गर्नेछन्।'

यता नेटफ्लिक्सले भने दाेश्राे सिजनबारे कुरा भए पनि टुंगाे नलागेकाे बताएकाे छ।

स्क्वीड गेम दक्षिण काेरियाली सिरिज हाे। यस सिरिजमा पात्रहरू काेही ऋणमा डुबेका हुन्छन् भने सबैलाई पैसाकाे अधिक खाँचाे परेकाे हुन्छ। उनीहरू पैसा (पुरस्कार रकम) जित्नका लागि बालबालिकाहरूले खेल्ने खेल खेल्न पुग्छन्।

कात्तिक २६, २०७८ शुक्रबार ०८:२७:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।