मोटरसाइकल दुर्घटना हुँदा एक जनाको मृत्यु, दुई घाइते
धनगढीः कैलालीमा मोटरसाइकल दुर्घटना हुँदा एक जनाको मृत्यु भएको छ। म२प ७६३० नम्बरको मोटरसाइकल अनियन्त्रित भई दुर्घटना हुँदा धनगढी उपमहानगरपालिकाको वडा नम्बर ३ का १८ वर्षीय चालक पुष्प गिरीको मृत्यु भएको जिल्ला प्रहरी कार्यालय कैलालीले जनाएको छ।
दुर्घटनामा गम्भीर घाइते भएका उनको धनगढीस्थित निसर्ग अस्पतालमा उपचारका क्रममा शनिबार राति मृत्यु भएको कार्यालयका प्रवक्ता प्रहरी नायब उपरीक्षक प्रतीक विष्टले बताए।
मोटरसाइकलमा तीन जना सवार थिए। मोटरसाइकल अनियन्त्रित हुँदा ३ नम्बर वडा कार्यालय नजिकै दुर्घटना भएको थियो।
घाइते १८ वर्षीय पशुपति बोहरा र १६ वर्षीय समीप सिंहको माया मेट्रो अस्पतालमा उपचार भइरहेको प्रहरीले जनाएको छ।
कात्तिक १४, २०७८ आइतबार ०८:५४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
