सुजिता बस्नेत बनिन् मिस युनिभर्स नेपाल
३ वर्ष अघि
काठमाडाैंः सुजिता बस्नेत ‘मिस युनिभर्स नेपाल २०२१’ बन्न सफल भएकी छिन्। १५ जना प्रतियोगीलाई पछि पार्दै उनले उपाधि जितेकी हुन्।
शनिबार साँझ आयोजित प्रतियाेगिताकाे ग्राण्ड फिनालेमार्फत सुजिता मिस युनिभर्स भएकी हुन्। सुजिताले आगामी १२ डिसेम्बरमा इजरायलमा आयोजना हुने ‘मिस युनिभर्स’मा नेपालको प्रतिनिधित्व गर्नेछिन्।
कार्यक्रमकाे निर्णायकमा गायिका इन्दिरा जोशी, मानषी अग्रवाल, सरिता ज्ञवालीलगायत रहेका थिए।
गत वर्ष ‘मिस युनिर्भस’मा नेपालको प्रतिनिधित्व ‘मिस युनिभर्स नेपाल २०२०’ की विजेता अंशिका शर्माले गरेकी थिइन्।
यस्तै प्रतियाेगितामा नीनाकान्ता मण्डल फस्ट रनरअप भएकी छिन् भने रक्षा उप्रेती सेकेन्ड रनरअप भएकी छिन्। प्रतीक्षा महरा क्षेत्री थर्ड रनरअप र डा केशु खड्का फोर्थ रनरअप भएकी छिन्।
कात्तिक १४, २०७८ आइतबार ०८:३९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
