माेटरसाइकल एकापसमा ठाेक्किँदा एक जनाकाे मृत्यु, दुई घाइते
झापाः जिल्लाकाे गौरादहमा आज बिहान दुई वटा माेटरसाइकल एकापसमा ठक्कर खाँदा एक जनाकाे ज्यान गएकाे छ। यस्तै दुर्घटनामा दुई जना घाइते भएका छन्।
आज बिहान ८ बजे गौरादह नगरपालिका–४ स्थित स्कुलचौन–चाप्रामारी धरधरे सडकखण्डमा दुर्घटना हुँदा मे९प २७०३ का मोटरसाइकल चालक गौरादह–५ का करिब ४० वर्षीय भानु भनिने वेणु अधिकारीको घटनास्थलमै मृत्यु भएको हो। तीव्र गतिका कारण दुर्घटना भएकाे ईलाका प्रहरी कार्यालय गौरादहले जनाएकाे छ।
मे६प ५४१६ नंको मोटरसाइकलका चालक गौरादह–५ चप्रामारीका ३० वर्षीय अनुप राजवंशी र पछाडि सवार १६ वर्षीय ललित शर्मा भने घाइते भएका छन्। विराटनगरस्थित न्यूराे अस्पतालमा उनीहरूकाे उपचार भइरहेकाे प्रहरीले जनाएकाे छ।
कात्तिक १२, २०७८ शुक्रबार १०:५३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
