सिनामङ्गलमा टिपरको ठक्करबाट पठाओ राइडरकाे मृत्यु
काठमाडौंः टिपरकाे ठक्करबाट सिनामङ्गलमा एक जनाकाे ज्यान गएकाे छ। मोटरसाइकल चालक पर्साका २६ वर्षीय सुनिलप्रसाद महतोको मृत्यु भएको हो।
महानगरीय प्रहरी वृत्त गौशालाका अनुसार गए राति सवा ११ बजे महतोको मृत्यु भएको हाे। सिनामङ्गलस्थित काठमाडौं मेडिकल कलेजमा उपचारको क्रममा उनकाे मृत्यु भएकाे हाे।
बा ४ ख ८७२५ नम्बरको टिपरले बाग्मती प्रदेश ०२ ०३० प ९५४० नम्बरको मोटरसाइकललाई ठक्कर दिएको थियो।
दुर्घटनामा मोटरसाइकलमा पछाडि सवार रामेछाप घर भई भक्तपुर बस्ने ३० वर्षीय अम्बरबहादुर पहरी घाइते भएकाे र उनकाे सोही अस्पतालमा उपचार भइरहेको पनि प्रहरीले जनाएकाे छ। हाल टिपर चालकलाई प्रहरीले नियन्त्रणमा लिएको छ।
मृतक माेटरसाइकल चालक महतो पठाओ राइडर रहेको ट्राफिक प्रहरीले जनाएकाे छ।
कात्तिक ११, २०७८ बिहीबार १४:०१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
