पार्टीभित्र अब ठूला समस्या छैनन्, यो खुशीको कुरा हो: एमाले अध्यक्ष ओली
काठमाडाैंः नेकपा एमालेका अध्यक्ष केपी शर्मा ओलीले पार्टीभित्र ठूला समस्या नभएकाे भन्दै खुशी व्यक्त गरेका छन्। पार्टीको वडा कमिटीको अधिवेशन भर्चुअल रूपमा उद्घाटन गर्दै उनले पार्टीभित्र समस्या नभएकाे बताएका हुन्।
पुष्पकमल दाहाल ‘प्रचण्ड’ र माधवकुमार नेपाल आ-आफ्नाे ढंगले अलग भएकाले एमाले नयाँ ढंगले अघि बढेकाे पनि उनले बताए। उनले भने, “पार्टीभित्र अब ठूला समस्या रहेका छैनन्। यो खुशीको कुरा हो।”
उनले केही समयअघिसम्म पार्टीभित्रका आन्तरिक विषय बाहिर पुग्ने गरेकाे पनि बताउँदै अब त्यस्ताे समस्या नरहेकाे बताएका थिए। उनले भने, “देशलाई गम्भीर घाटा र प्रतिगमनमा सहयोग पुर्याउने काम भएको थियो। तर पार्टीबाट केही मानिस छोडेर अलग पार्टी बनाएपछि अब पार्टी एक ढिक्का भएको छ।”
उनले बाढी तथा पहिराेबाट पीडितलाई तत्काल क्षतिपूर्ति उपलब्ध गराउन पनि सरकारसँग माग गरेका थिए।
कात्तिक ६, २०७८ शनिबार १६:५४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
