लमहीमा सवारी दुर्घटना हुँदा नौ जना घाइते
दाङः जिल्लाकाे लमही नगरपालिका-७ मा आज टाटा सुमाे दुर्घटना हुँदा नौ जना घाइते भएका छन्। प्यूठानको बिजुवारबाट सतबरिया जाँदै गरेको रा१ज ७३७ नंको टाटा सुमो पौने १ बजे दुर्घटना भएकाे थियाे।
घाइते हुनेहरूमा १७ वर्षीया मीना घर्ती, १० वर्षीय विजय घर्ती, १५ वर्षीया रबिना घर्ती, ३५ वर्षीया जिता घर्ती, २२ वर्षीया कुमारी राना, २२ वर्षीया लक्ष्मी खड्का, तीन वर्षीय आरस खड्का, ५३ वर्षीया दिलसरी राना र लमही–६ देउपुरका ३६ वर्षीय तुल्सीराम न्यौपाने रहेको जिल्ला प्रहरी कार्यालय दाङले जनाएको छ।
घाइतेमध्ये दिलसरी रानाकाे अवस्था गम्भीर छ भने अन्य घाइतेहरूको लमही अस्पतालमा उपचार भइरहेको छ। गाडी चालकलाई भने प्रहरीले नियन्त्रणमा लिई अनुसन्धान सुरु गरेकाे जनाएकाे छ।
कात्तिक ६, २०७८ शनिबार १६:१२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
