आज आईपीएलमा उपाधि भिडन्त, चेन्नई र कोलकाता भिड्दै
एजेन्सीः इण्डियन प्रिमियर लिग (आईपीएल)को फाइनल खेलमा आज चेन्नई सुपर किंग्स र कोलकाता नाइट राइडर्स भिड्दैछन्। खेल नेपाली समयअनुसार साँझ ७:४५ बाट सुरु हुनेछ।
भारतलाई विश्वकप दिलाउने कप्तान महेन्द्र सिंह धोनीको नेतृत्त्वमा उत्रिने चेन्नई र इंग्ल्याण्डलाई विश्वकप दिलाउने कप्तान ओइन मोर्गनको नेतृत्त्वमा उत्रिने कोलकाताबीच फाइनल खेल निकै रोमाञ्चक हुने विश्वास गरिएको छ।
आईपीएलको यस संस्करण धोनीका लागि अन्तिम हुने समेत धेरैले अनुमान लगाएका छन्। त्यसैले चेन्नई जसरी पनि जीत्नै पर्ने दवावमा रहेको बताइएको छ। यता कोलकाता पनि स्टार खेलाडी सम्मिलित टोली भएको हुँदा जित्नै पर्ने दवावमा रहने छ।
चेन्नई तीन पटक आईपीएल विजेता भइसकेको छ भने कोलकाता दुई पटकको विजेता हो। दुवै टोली आफ्नो खातामा उपाधिको सङ्ख्या बढाउन चाहन्छन्।
असोज २९, २०७८ शुक्रबार ०९:०९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
