कांग्रेस दोलखाको सभापतिमा लामा निर्वाचित
दाेलखाः नेपाली कांग्रेस दोलखाको सभापतिमा बर्मा लामा निर्वाचित भएका छन्। १४औं जिल्ला अधिवेशनमा बर्माले आफ्ना प्रतिद्वन्द्वी तारा खड्कालाई फराकिलाे मतान्तरले पराजित गरेका हुन्।
लामाले कूल एक हजार ३ सय ७३ मध्ये ८ सय ७७ मत प्राप्त गरे भने उनका निकटतम प्रतिद्वन्द्वी खड्काले ४ सय ८५ मत प्राप्त गरे।
यसअघि लामाले पहिलो चरणमा भएको निर्वाचनमा ५१ प्रतिशत ल्याउन नसकेपछि दोस्रो चरणमा मतदान भएको हो। सभापतिका अर्का उम्मेदवार रूद्रबहादुर खड्काले भने दाश्राे चरणकाे मतदानमा प्रवेश गर्न पाएनन्। उनी पहिलो चरणबाटै बाहिरिएका थिए।
सभापति निर्वाचित लामा कांग्रेस वरिष्ठ नेता रामचन्द्र पाैडेल निकट मानिन्छन्।
असोज १९, २०७८ मंगलबार ०९:२१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
