ड्रग्स पार्टीमा शाहरुख खानका छोरा आर्यन, एनसीबीले गर्यो सोधपुछ
३ वर्ष अघि
एजेन्सीः बलिउड अभिनेता शाहरुख खानका छोरा आर्यन खान ड्रग्स पार्टीमा सहभागी भएको पाइएको छ। नार्काेटिक्स कन्ट्राेल ब्यूराे (एनसीबी)को टोलीले मुम्बईदेखि गोवा गइरहेको जहाजमा छापा मार्दा ड्रग्स पार्टी चलिरहेको फेला परेकाे थियाे।
उक्त पार्टीमा बलिउड, फेशन तथा व्यावसायीक क्षेत्रका मानिसहरूकाे सहभागी भएको समाचार बाहिरिएको छ। ड्रग्स पार्टीमा सहभागी भएकै कारण एनसीबीले शाहरुख खानको छोरा आर्यानसँग पनि सोधपुछ गरेको छ। सोधपुछको क्रममा आर्यनले आफूलाई गेष्टका रूपमा पार्टीमा बोलाइएको बताएका छन्।
पार्टीमा सहभागी भएबापत आफूले पैसा तिर्न नपरेको उनको भनाइ छ। सुरुमा आर्यनले ड्रग्स पार्टीमा उनको नाममा अरूलाई नै बोलाइएको दाबी गरेका थिए। तर एनबीसीले हात पारेको एक भिडियोमा उनी समेत देखिएपछि पोल खुलेको हो।
आर्यन शाहरुखका जेठा छोरा हुन्। आर्यनले २००१ काे चलचित्र 'कभि खुशी कभी गम'मा बच्चाको चरित्र निभाएका थिए। यसबाहेक 'द इनक्रेडिबल्स' र 'द लायन किंग' फिल्मका लागि उनले आफ्नो आवाज दिएका थिए। उनले बेष्ट डबिङ चाइल्ड आर्टिष्ट (मेल) अवार्ड समेत पाएका थिए।
असोज १७, २०७८ आइतबार १४:४३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
