महात्मा गान्धीका हत्यारा नाथुराम गाेडसेकाे जीवनमा आधारित चलचित्रकाे पाेस्टर रिलिज
३ वर्ष अघि
एजेन्सीः महात्मा गान्धीकाे १५२औं जयन्तीका अवसरमा शनिबार उनका हत्यारा नाथुराम गाेडसेकाे जीवनीमा आधारित चलचित्रकाे पाेस्टर सार्वजनिक गरिएकाे छ। चलचित्र महेश मांजरेकरकाे निर्देशनमा तयार हुनेछ।
सार्वजनिक गरिएकाे टिजर पाेस्टरमा लेखिएकाे छ- 'जन्मदिनकाे हार्दिक शुभकामना बापू, तपाईंकाे नाथुराम गाेडसे।'
हाल चलचित्रकाे स्क्रिप्ट लेखिँदै छ भने आगामी वर्ष मे/जुनमा चलचित्र प्रदर्शनमा आउने बताइएकाे छ। चलचित्रका निर्माता सन्दीप सिंहका अनुसार गान्धी र गाेडसेका सार्वजनिक नभएका कथा यस चलचित्रमा समावेश हुनेछ। निर्देशक मांजरेकरले भने गाेडसेकाे कथा आफ्नाे मनमा बसेकाे हुँदा यस्ताे हिम्मत गरेकाे बताए।
उनले यस चलचित्रमा गाेडसेकाे महिमा पनि नगाउने र कसैकाे विराेधमा पनि नउत्रने बताएका छन्।
असोज १७, २०७८ आइतबार ०८:१८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
