मैत्रिपूर्ण खेल : नेपालकाे पाेस्टमा ओमानकाे ७ गाेल

काठमाडाैंः साफ च्याम्पियनसिपकाे तयारी स्वरूप कतारमा रहेकाे नेपाली टाेलीले हिजाे आइतबार ओमानविरुद्ध मैत्रिपूर्ण खेल खेलेकाे थियाे।खेलमा नेपालकाे लज्जास्पद हार भएकाे छ। 

कतारकाे दाेहास्थित युनिभर्सिटी ग्राउण्डमा गएराति भएकाे खेलमा नेपाल ओमानसँग ७-२ गाेलअन्तरले पराजित भएकाे हाे। ओमानकाे जीतमा अब्दुल्लाजिज अल मुक्बालीले २ गोल गरे भने फामी सेद, मोसेन जाहर, इसाम अल सुभी, मोहसेन अल घासनी र जमिल एल यह्मादीले १-१ गोल गरे।

ओमान फिफा वरियतामा ९० औं स्थानमा रहेकाे छ। यद्यपि, केही महिनाअघि नेपालले ७१ औं स्थानमा रहेकाे बलियाे टाेली इराकसँग उत्कृष्ट प्रदर्शन गरेकाे थियाे। 

गएराति भएकाे खेलमा नेपालका लागि आयुस घलान र अनन्त तामाङले समान १-१ गोल फर्काएका थिए। यद्यपि ओमानकाे बलियाे टाेलीसामु नेपालकाे केही लागेन। 

ओमानले पहिलो हाफमा २-१ को मात्र अग्रता बनाए पनि दाश्राे हाफमा नेपाली टाेली सम्हालिएर खेल्न नसक्दा लज्जास्पद हार व्हाेर्न पुगेकाे हाे। 

नेपाली टाेली कतारबाटै साफ च्याम्पियनसिपका लागि माल्दिभ्स उड्नेछ।

असोज ११, २०७८ सोमबार ०७:२२:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।