टिपर र माेटरसाइकल ठाेकिँदा एक जनाकाे निधन
काभ्रेः धुलिखेल नगरपालिका–३ अरनिको राजमार्गमा टिपर र मोटरसाइकल एकापसमा ठोक्किएर दुर्घटना हुँदा एक जनाको निधन भएको छ। जिल्ला प्रहरी कार्यालयका प्रहरी नायब उपरीक्षक हरि खतिवडाका अनुसार शुक्रबार राति बनेपाबाट धुलिखेलतर्फ जाँदै गरेको प्रदेश३–०२००७प ४०८८ नंको मोटरसाइकल धुलिखेलबाट बनेपातर्फ जाँदै गरेको बा४ख ६२२० नंको टिपरसँग ठोक्किएर दुर्घटना भएको हो।
घटनामा मोटरसाइकल चालक पाँचखाल नगरपालिका–११ का ३३ वर्षीय सुमन रेग्मी गम्भीर घाइते भएका थिए। धुलिखेल अस्पतालमा उनकाे आज उपचारकाे क्रममा निधन भएको प्रहरी नायब उपरीक्षक खतिवडाले बताए।
मृतक रेग्मीको शव परीक्षणपछि परिवारलाई जिम्मा लगाइएको प्रहरीले जनाएको छ। प्रहरीले गाडी र मोटरसाइकल नियन्त्रणमा लिएको छ।
असोज ९, २०७८ शनिबार १८:५०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
