नेपालले दियाे २३४ रनको लक्ष्य, पपुवा न्युगिनी जवाफी ब्याटिङमा
काठमाडाैंः नेपालले पपुवा न्युगिनीलाई २३४ रनकाे लक्ष्य दिएकाे छ। दोस्रो एकदिवसीय खेलमा नेपालले ४९ ओभर ३ बल खेल्दै २३३ रन बनाएको हाे।
नेपालका लागि रोहितकुमार पौडेलले ८६ रनकाे पारी खेले भने करण केसीले ४२ रनकाे पारी खेले। राेहितले १२३ बल खेल्दै तीन छक्का र दुई चौका प्रहार गरेका थिए भने करणले २६ बल खेल्दै चार छक्का र दुई चौका प्रहार गरेका थिए।
नेपालका लागि कप्तान ज्ञानेन्द्र मल्लले ७० बलमा दुई छक्का र तीन चौका प्रहार गर्दै ४५ रन बनाए भने विनोद भण्डारीले १७ तथा सोमपाल कामीले ११ रन बनाए।
यता बलिङतर्फ पपुवा न्युगिनीका चाड सोपरले तीन, कबुआ मोरिया र नरमन भानुआले दुई/दुई तथा चार्ल्स अमिनीले एक विकेट लिए।
यसअघि भएकाे पहिलो एकदिवसीय खेलमा नेपालले पपुवा न्युगिनीलाई दुई विकेटले पराजित गरेको थियो। हाल खेलमा दाेश्राे इनिङ्ग्स शुरु भइसकेकाे छ।
८ ओभरकाे खेल सकिँदा दुई विकेटकाे क्षतिमा पपुवा न्युगिनीले ३२ रन बनाएकाे छ।
भदौ २५, २०७८ शुक्रबार २०:५९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
