ब्राउनसुगरसहित २ जना पक्राउ
सुर्खेत : सुर्खेतमा लागुऔषध (ब्राउनसुगर)सहित दुई जना पक्राउ परेका छन्।
जिल्ला प्रहरी कार्यालय, सुर्खेतका अनुसार लागुऔषधसहित जुम्ला, तिला गाउँपालिकाका १८ वर्षीय कालीबहादुर शाही र २१ वर्षीय खिमराज शाही पक्राउ परेका हुन्।
वीरेन्द्रनगर नगरपालिका–७, इत्रामस्थित औद्योगिक क्षेत्रतर्फ जाने कच्ची मोटर बाटोमा शंकास्पदरूपमा हिँडिरहेका अवस्थामा उनीहरूलाई पक्राउ गरिएको प्रहरीले जनाएको छ।
चेकजाँचका क्रममा खिमराजको साथबाट तीन पुडिया र कालीबहादुरको साथबाट चार पुडिया ब्राउनसुगर बरामद गरिएको जिल्ला प्रहरी कार्यालयका प्रवक्ता एवं प्रहरी नायब उपरीक्षक (डिएसपी) रामप्रसाद घर्तीले जानकारी दिए।
यस्तै, उनीहरूको साथबाट दुई थान मोबाइल सेट, नगद दुई हजार ४ सय ५० रूपैयाँसमेत बरामद गरिएको प्रहरीले जनाएको छ।
साउन २१, २०७८ बिहीबार १७:५७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
