एसइईको नतिजा साउन २५ गतेभित्र सार्वजनिक गरिने
उक्त समयभित्र नतिजा प्रकाशन गर्ने गरी अहिले तीव्ररूपमा काम भइरहेको बोर्डको परीक्षा नियन्त्रण कार्यालय (कक्षा १०) ले जनाएको छ।
कार्यालयका अनुसार सबै जिल्लाबाट प्राप्त विद्यार्थीको आन्तरिक मूल्यांकनको नतिजा इन्ट्री सकेर रुजु भइरहेको छ।
कुनै प्राविधिक कठिनाई नआए आगामी शुक्रबारसम्म विद्यार्थीको नतिजा रुजु गरिसक्ने र त्यसको एक साताभित्रमा नतिजा सार्वजनिक गर्ने कार्यालयले जनाएको छ।
कोरोना भाइरस (कोभिड–१९) संक्रमणको दोस्रो लहर देखिएपछि जारी निषेधाज्ञाका कारण एसइई परीक्षा स्थगित गरिएको थियो।
त्यसपछि गत जेठ १७ गते बसेको मन्त्रिपरिषद् बैठकले आन्तरिक मूल्यांकनबाट नतिजा प्रकाशित गर्ने निर्णय गरेको थियो।
साउन १३, २०७८ बुधबार १८:५०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
