जुवाको खालबाट २ लाख १४ हजार रकमसहित ७ जना पक्राउ
जिल्ला प्रहरी कार्यालय, सुर्खेतको टोलीले वीरेन्द्रनगरस्थित सुर्खेती स्टाफ होटलबाट सञ्चालक सकुन्तला न्यौपानेसहित दैलेखको चामुण्डा बिन्द्रासैनी नगरपालिका–७ का बखत शाही र अछामको तुर्माखाँद गाउँपालिका–२ का जीवन शाहीलाई पक्राउ गरेको हो।
यस्तै, दैलेखको गुराँस गाउँपालिका–१ का पदम सलामी मगर, सुर्खेतको चिंगाड गाउँपालिका–१ का बलबहादुर बाह्रघरे, गुराँस गाउँपालिका–६ का यामबहादुर रोकाय र चामुण्डा बिन्द्रासैनी नगरपालिका–२ का किरणबहादुर विष्ट पक्राउ गरिएको प्रहरीले जनाएको छ।
प्रहरी कार्यालय, सुर्खेतका प्रहरी निरीक्षक कनक शाहीको कमाण्डमा खटिएको टोलीले उनीहरूलाई जुवा खेलिरहेको अवस्थामा पक्राउ गरेको हो। उनीहरूको साथबाट १३ वटा खाली (ब्ल्यांक) चेक र एक बुक ताससमेत बरामद गरिएको प्रहरीले जनाएको छ।
साउन ११, २०७८ सोमबार २१:४७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
