बाढी बस्तीमा पसेपछि ३० घर परिवार विस्थापित
धनगढी : कैलाली स्थित मोहना नदिमा आएको बाढी बस्तीमा पसेपछि ३० घर विस्थापित भएका छन्।
निरन्तरको वर्षाले मोहना नदिमा आएको बाढी बस्तीमा पसेपछि ३० घर परिवार विस्थापित भएका हुन्।
बाढीले धनगढी उपमहानगरपालिका वडा नम्बर १३ मा पर्ने श्रीलङ्का बस्तीका दर्जनौँ घर डुबानमा परेको वडाध्यक्ष विजय जोशीले बताए।
‘नदीमा आएको बाढी बस्तीमा पस्यो’उनले भने, ‘दर्जनौँ घर डुबानमा छन्,३० घर विस्थापित भइसकेका छन्, हामीले उद्धार गरेका छौँ।’
विस्थापित परिवारलाई नवज्योति आधारभूत विद्यालयमा राखिएको वडाध्यक्ष जोशीले बताए।
साउन १, २०७८ शुक्रबार ०९:४१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
