नेपाली सिरिज ‘हेल्लो ब्रो’को ट्रेलर सार्वजनिक, साउन पहिलो साताबाट टेलिभिजनमा

काठमाडौं : नेपाली सिरिज ‘हेल्लो ब्रो’को ट्रेलर सार्वजनिक भएको छ। सुरेश न्यौपानेको लेखन तथा निर्देशन रहेको सिरिजमा नेपाली युवाको कथालाई देखाइने भएको छ। 

सिरिजका निर्देशक तथा लेखक सुरेश न्यौपानेका अनुसार अहिले युवापुस्ताका कथावस्तुलाई टेलिभिजनका माध्यमबाट देखाउन लागिएको हो।

उनले भने, ‘अहिलेका हाम्रा जेनेरेसनका रहनसहनका साथै उनीहरू के काम गर्न चाहन्छन् भन्ने कुरा देखाउन खोजिएको छ। त्यसैले यसको नाम नै ‘हेलो ब्रो’ राखिएको हो।’

सलोन सलिना फिल्मस्को व्यानरमा निर्मित सिरिजमा प्रभात पल ठकुरी, सुमिन गुरुङ, अलिष्था सुवेदी, मनिषा ओझा र सन्तोष गिरीको अभिनय देख्न सकिन्छ।

सलोन बस्नेत कार्यकारी निर्माता रहेको सिरिजमा रामजी राउत एपिसोड निर्देशक, सुरेश न्यौपानेको कथा, केदार भुषाल र सुमन गुरुङ गजमेरको लेखन, प्रशान्त शिवाकोटीको संगीत, शंकर भुजेल र ज्ञानकुमार कट्टेलको छायांकन छ। 

बन्दे प्रसादको सम्पादन रहेको यस सिरिजमा समीर मियाँको भिएफएक्स र कलर, शिशिर खातीको कोरियोग्राफी छ भने सुमन गुरुङ गजमेरको सहायक निर्देशन छ। 

सिरिज साउन ७ गतेदेखि हरेक बिहीबार राति ७ बजे बुढासुब्बाको बिएम टिभीबाट प्रसारण हुने पनि निर्माण पक्षले जानकारी दिएको छ।

असार २०, २०७८ आइतबार २२:३३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।