कमेडी चलचित्र ‘हङ्गामा २’ को ट्रेलर सार्वजनिक 

काठमाडौं  : परेश रावल अभिनीत कमेडी चलचित्र ‘हङ्गामा २’ को ट्रेलर सार्वजनिक भएको छ।

कमेडी नै कमेडीले भरिपूर्ण फिल्मको सिक्वेल १८ वर्षपछि निर्माण भएको हो । यस चलचित्रको ट्रेलरमा राधेश्याम तिवारीको भूमिकामा परेश रावल देखिएका छन् भने उनको श्रीमतीको भूमिकामा शिल्पा शेट्टी देखिएका छन्। 

चलचित्रको ट्रेलरमा प्रनिता सुभाषले आफ्नो गर्भमा रहेको बच्चाको पिता मिजान रहेको आरोप लगाएको दृश्य देखाइएको छ। 

निर्देशक प्रियदर्शनको निर्देशनमा बनेको ‘हङ्गामा २’ २३ जुलाई २०२१ मा डिज्नी प्लस हटस्टारमा रिलिज गर्ने तयारी निर्माण पक्षको छ।

यस चलचित्रमा आशुतोष राणा, मनोज जोशी, राजपाल यादव, जोनी लीवर, टीकू तल लगायतको पनि अभिनय रहेको छ। कोरोनाका कारण बन्द रहेका चलचित्र हल हल खुल्ने निश्चित नभएपछि ‘हङ्गामा २’ ओटीटी प्लेटफर्ममा रिलिज हुन लागेको निर्देशन प्रियदर्शनले बताएका छन्। ‘अहिले चलचित्र हलमा लगाउने अवस्था छैन । जसका कारण हामीले ओटीटी प्लेटफर्म रोजेका हौँ ,उनले भने।

ट्रेलर हेर्नुहोस् 

असार १८, २०७८ शुक्रबार १०:१५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।