गायक माणिकरत्न १ लाख नगदसहित सम्मानित
३ वर्ष अघि
काठमाडौँ : गायक तथा सङ्गीतकार माणिक रत्न स्थापित सम्मानित भएका छन्। उनलाई सङ्गीतकार सङ्घले १ लाख १ सय ११ रुपैयाँ नगदसहित घरमै गएर सम्मानपत्र हस्तान्तरण गरेको छ।
सङ्घका संरक्षक शम्भुजित बास्कोटाको नेतृत्वमा प्रथम उपाध्यक्ष हरि लम्साल, कोषाध्यक्ष राजेश थापा तथा सदस्य जेम्स प्रधानको समूहले ललितपुर खुमलटारस्थित निवासमा गई सम्मान सहित नगद हस्तान्तरण गरेको सङ्घले जनाएको छ।
बि सं १९९४ सालमा काठमाडौँमा जन्मिएका माणिकरत्न २००७ सालमा बालगीतबाट गायनमा प्रवेश गरेका थिए। उनका ‘त्यो खोलाको सङ्लो पानी’, ‘म पनि त मानिस हुँ’, ‘न आऊ जुन कोठामा राति’ जस्ता दर्जनौँ गीत अहिले पनि चर्चामा छन्।
असार १६, २०७८ बुधबार ११:१६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
