सुनिल गिरीको ‘को होला त्यो’ बोल गीतको फिमेल भर्सन भिडियोमा
३ वर्ष अघि
उक्त गीतको भिडियो सुनिल गिरी युट्युब च्यानलमार्फत सार्वजनिक गरिएको हो।
निषेधाज्ञाअघि छायांकन गरिएको भिडियोमा पल शाह र प्रकृति श्रेष्ठको अभिनय देख्न सकिन्छ। अनिल कृष्ण मानन्धरको निर्देशन र छायांकन रहेको भिडियोको सम्पादन मनोज कार्कीले गरेका छन्।
उक्त गीतको फिमेल भर्सन अस्मिता अधिकारीले गाएकी छन्। गिरीको शब्द र संगीत रहेको उक्त गीत गोपाल रसाइलीले एरेन्ज गरेका हुन्।
गिरीकै आवाजमा ८ वर्षअघि रिलिज भएको उक्त गीतको मेल भर्सनको भिडियोमा पनि पल र प्रकृतिको अभिनय छ।
गिरीले उक्त गीतमा उत्कृष्ट टिकटक बनाउनेलाई २५ हजार रूपैयाँ नगद दिइने घोषणा गरे। टिकटकमा आएको सर्वाधिक भ्युज, लाइक कमेन्टका आधारमा पुरस्कृत गरिने उनले बताए।
असार ९, २०७८ बुधबार १६:३९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
