डेढ महिनादेखि रोकिएको ‘कमेडी च्याम्पियन २’ शुक्रबारबाट प्रशारणको तयारीमा
३ वर्ष अघि
काठमाडौं उपत्यकामा जारी निषेधाज्ञामा जोर बिजोर प्रणालीमा निजी सवारी सञ्चालन गर्न पाइने भएपछि ‘कमेडी च्याम्पियन सिजन–२’ टिमले सो प्रशारणको तयारी थालेको हो।
सोका निर्देशक विशाल भण्डारीले शुक्रबारबाट सो प्रशारणमा ल्याउने तयारी भइरहेको जानकारी दिए। ‘छायांकनको अनुमति पाए बुधबार रियालिटी सोको बाँकी भाग छायांकन हुने छ। र, शुक्रबार प्रशारण हुनेछ,’ उनले भने।
उनले स्वास्थ्य सुरक्षाका मापदण्ड अपनाएर छायांकन थालिने बताए।
कान्तिपुर टेलिभिजनमा प्रशारण हुने उक्त सोमा उत्कृष्ट ९ प्रतिष्पर्धी छानिसकेका छन्।
कमेडी च्याम्पियनका निर्णायकमा सन्तोष पन्त, मनोज गजुरेल, प्रदीप भट्टराई र ऋचा शर्मा छन्। सोको होस्ट गर्छन्, रिमा विश्वकर्मा र मेक्सम गौडेल।
थ्रि प्रोडक्सनले निर्माण भएको कमेडी च्याम्पियनका कार्यकारी निर्मातामा केकी अधिकारी, रिमा विश्वकर्मा, राज घिमिरे र हिरनकुमार बस्नेत छन्।
असार ७, २०७८ सोमबार २२:४३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
